Обращение в редакцию

Адкрылася выстава «Жывая спадчына Гомельшчыны»

Адкрылася выстава «Жывая спадчына Гомельшчыны»

22 февраля, 2021

«Провады русалкі», «Ваджэнне і пахаванне стралы», «Юраўскі карагод» – не, гэта не беларускія фантастычныя фільмы. Так названы арыгінальныя нацыянальныя абрады, пра якія можна даведацца на выставе «Жывая спадчына Гомельшчыны» ў Гомельскім абласным цэнтры народнай творчасці.

Выстава знаёміць з усёй нематэрыяльнай спадчынай Гомельскай вобласці, уключанай у Дзяржаўны спіс гісторыка-культурных каштоўнасцяў Рэспублікі Беларусь, са спадчынай, якая знаходзіцца пад аховай ЮНЭСКА, і праводзіцца ўпершыню ў Гомелі і Гомельскай вобласці.

Сярод 12 нематэрыяльных гісторыка-культурных каштоўнасцяў рэспубліканскага значэння – каляндарныя абрады Веткаўскага, Гомельскага, Лельчыцкага і Хойніцкага раёнаў, а таксама традыцыя пакланення каменным крыжам («Каменныя дзевачкі») вёсак Данілевічы і Баравое Лельчыцкага раёна. Разнастайныя беларускія абрады прадстаўлены на здымках, да іх дадзена падрабязнае апісанне культавага дзейства.

Цікавяць мясцовыя стылі спеваў і рамёствы: саломапляценне і неглюбская народная тэкстыльная традыцыя. Неглюбскія рушнікі ўжо даўно з'яўляюцца візітнай карткай нашай краіны, а саламяныя лялькі і фантастычныя кветкі прыцягваюць погляд і прымушаюць здзіўляцца майстэрству і цярпенню іх вытворцы.

Старанна падабраны канцэпт выставы: дэталёвая абрадавая атрыбутыка, прапанаваныя прадметы побыту, традыцыйныя касцюмы, фатаграфіі, тэматычная друкаваная прадукцыя і сувеніры. Кожны, хто захапляецца традыцыямі продкаў, знойдзе тут для сябе шмат цікавых момантаў і пазнае нешта новае.

У афармленні выставы задзейнічаны і сучасныя тэхналогіі: праз QR-код наведвальнікі могуць убачыць відэаматэрыялы па кожнай частцы экспазіцыі.

Выстава чакае ўсіх жадаючых да 27 лютага. Уваход вольны.

«Гомельские ведомости».

Просмотров: 12

В этом разделе

23 января, 2024

Сегодня в гостях студии 107,4 FM ответственный секретарь приёмной комиссии ГГУ им...

16 января, 2024

Что чаще всего становится причиной ДТП? Правда ли, что женщины водят машину аккуратнее...

17 ноября, 2023

Ко дню освобождения Гомеля от немецко-фашистских захватчиков, с 20 по 26 ноября на волне 107,4 FM будет выходить серия радиоэфиров "Освобождение:80". Через историю объектов, улиц, знаковых мест в программе "Освобождение: 80" рассказываем о легендарных земляках, которые героически сражались в тылу, подполье, на фронтах Великой...

16 ноября, 2023

Федерация профсоюзов Беларуси утвердила план-график приема граждан правовыми инспекторами труда в районных, городских объединениях профсоюзов на 30 ноября 2023 года. В рамках проведения Республиканского профсоюзного правового приема граждан в г. Гомеле прием будет проводить главный правовой инспектор труда Гомельской областной...