Обращение в редакцию

З аншлагамі прайшоў спектакль «Радзіва «Прудок»

З аншлагамі прайшоў спектакль «Радзіва «Прудок»

30 июля, 2019

У Гомельскім абласным драматычным тэатры адбыліся адразу два аншлагавых паказы знакамітай пастаноўкі Нацыянальнага акадэмічнага тэатра імя Янкі Купалы «Радзіва «Прудок», паведамляюць «Гомельские ведомости». Горад стаў чацвёртай і апошняй кропкай маршруту гастрольнага тура «Палескія хронікі», у рамках якога спектакль наведаў населеныя пункты поўдня Беларусі.

“Гэта космас…”, - уражанні ад спектакля непроста перадаць словамі. Цяжка патлумачыць таму, хто не глядзеў, чаму немагчыма было стрымаць слёзы, слухаючы пра беларускую вёску, пра дзедаву хату. Спачатку акцёры вяртаюць цябе ў дзяцінства, даюць прыгадаць любоў і пяшчоту бацькоў, бабы і дзеда, іх няхітры і даволі цяжкі побыт, духоўныя каўштоўнасці і ўспрыманне свету. Становіцца цёпла і ўтульна, месцамі нават смешна… Але адразу сумна. Бо далёка ўсё гэта. Бо існуе толькі ва ўспамінах. А будзе яшчэ далей. Настолькі, што вокны дзедавай хаты - усе мы - станем пылам. Пылам Сусвету…

Спектакль Нацыянальнага акадэмічнага тэатра імя Янкі Купалы «Радзіва «Прудок» створаны па аднайменнай кнізе пісьменніка Андрэя Горвата. У ёй у фармаце мастацкіх facebook-дзённікаў аўтар расказвае пра свой пераезд з Мінска ў хату свайго дзеда ў вёсцы Прудок, пра вяртанне да каранёў і роднай зямлі.

Спектакль «Радзіва «Прудок» створаны пры падтрымцы Міністэрства культуры Рэспублікі Беларусь. Яго прэм’ера адбылася на сцэне Купалаўскага тэатра 16 мая 2018 года. Генеральны партнёр пастаноўкі і тура «Палескія хронікі» – кампанія velcom | A1.

Варта нагадаць, што напярэдадні спектакля студыю радыё 107,4 FM наведаў рэжысёр Раман Падаляка. Ён падрабязна распавёў пра тое, як стваралася гэтая пастаноўка.

Просмотров: 7

В этом разделе

6 июня, 2020

Гомельский областной центр гигиены, эпидемиологии и общественного здоровья: телефон – +375 44 575-56-99...

5 июня, 2020

Она проходит сейчас в стране под эгидой МЧС. Ее цель-предупреждение пожаров из-за неосторожного обращения...

5 июня, 2020

С началом пандемии прибавилось работы не только врачам-инфекционистам, но и психотерапевтам. О чем говорит...

5 июня, 2020

В Новобелицком районе работниками трудовых в рамках месячника по благоустройству высажено 2 750 саженцев...